Ný Framsókn fyrir nýtt Ísland

Stórglæsilegu flokksþingi er lokið og endurreisnin er hafin.  

Ég þakka Framsóknarmönnum kærlega fyrir stuðninginn og traustið sem þeir hafa sýnt mér með kjöri sem ritari Framsóknarflokksins.  Jafnframt vil ég þakka öðrum frambjóðendum fyrir góða og drengilega baráttu, þá sérstaklega Sæunni Stefánsdóttur fráfarandi ritara. 

Ég er sannfærð um að Sigmundur Davíð og Birkir Jón munu standa sig frábærlega og að gleði og kraftur mun nú dreifa sér um allt flokksstarfið. 

Nú hefst baráttan fyrir samvinnu, samstöðu og sanngirni í íslensku samfélagi.

Með nýrri Framsókn fyrir nýtt Ísland. 

Athugasemdir

[Heimir Lárusson Fjeldsted, 19.1.2009 kl. 12:27]

Til hamingju með glæsilegt kjör. Ég er ákaflega stoltur af bloggvinkonu minni:-)

[365, 19.1.2009 kl. 12:51]

Innilegar hamingjuóskir með nýju stöðuna.  Ég er handviss að þið þríeykið látið gott af ykkur leiða.  Nú þýðir ekkert að velta sér upp úr hvernig hlutirnir voru,  heldur hvernig þeir eiga að vera.

[Valdimar Samúelsson, 19.1.2009 kl. 13:22]

Finnst þér ekki skrítið að þið á þassum fundi þ.e. um 1000 manns geti tekið ESB stefnu fyrir allan flokkinn og komið af stað hrynu einusinni enn í þá átt að gera land og þjóð ósjálfstðtt. Hefði ekki verið réttara að kjósa formann og fara af stað um landið og sjá og heyra hug félagsmanna varðandi ESB. Lýsir Hroka og aftur Hroka. 

[Jón Steinar Ragnarsson, 19.1.2009 kl. 13:54]

Almáttugur hvað þið eruð nú að verða meira pathetic með hverjum deginum, sem líður. Er flokkurinn kominn í kennitöluflakkið líka?  "Nýr jakki, sami drullusokkur" sagði einhver.  Hvernig væri bara að leggja þessu nafni og stofna annað afl, fyrst ekkert er eftir af því gamla afturhalds og spillingarafli, sem Framsókn er.

[Offari, 19.1.2009 kl. 14:03]

Til hamingju með nýja Framsóknarflokkinn.  Það mætti endilega endurnýja fleiri flokka.

[Magnús Guðjónsson, 19.1.2009 kl. 15:43]

Flott stjórn og ég er sammála þér að flokkurinn mun vaxa og dafna undir ykkar stjórn.  Innilega til hamingju með kjörið sem ritari. 

[Einar Áskelsson (IP-tala skráð) 19.1.2009 kl. 18:38]

Algjörlega til hamingju með þetta Eygló.  Þú hefðir líka geta rúllað upp formannskjörinu.  En nú reynir á að vinna sig út úr stöðunni.  Tækifærið er til staðar.

[Baldur Fjölnisson, 19.1.2009 kl. 20:57]

Til hamingju með góðan árangur. Nú gildir að veita drengjunum virkilega gott aðhald.

[hilmar jónsson, 19.1.2009 kl. 21:27]

nýtt ( annað ) land fyrir Framsókn takk.

[Gissur Jóhannesson (IP-tala skráð) 19.1.2009 kl. 22:06]

Nú liggur vel á mér.Til hamingu Eygló.        kv.  Gissur sá hin gamli.

[Jóhannes Ragnarsson, 19.1.2009 kl. 22:14]

Haldið þið framsóknarmenn virkilega að þið getið blekkt heila þjóð með því einu að stilla ,,nýjum" fígúrum útí útstillingargluggann? Framsóknareðlið breytist ekkert með sjónhverfingartrixum. Og iðrun er ekki til í haughúsi hinnar dauðvona Maddömu.

Það er ekki einusinni hægt að gera þá kröfu til framsóknarmanna að þeir læri að skammast sín.

[Eygló Þóra Harðardóttir, 19.1.2009 kl. 23:24]

Ég vil byrja á að þakka ykkur kærlega fyrir hamingjuóskirnar. Þingið var frábært og ég er sannfærð um að framtíðin er björt.

Valdimar: Framsóknarmenn hafa lengi rætt Evrópumál og völdum fulltrúa sína á þingið vitandi vits að það ætti að taka ákvörðun um viðræður við Evrópusambandið. Þeir tóku afstöðu og við í forystunni munum að sjálfsögðu vinna samkvæmt henni.

Jón Steinar: Nei, Framsókn þarf ekki að standa í neinu kennitöluflakki líkt og fjöldi annarra flokka :) Við svörum kallinu um endurnýjun og byggjum á grunngildum Framsóknarmanna um samvinnu, valddreifingu og sanngirni í samfélaginu undir nafni Framsóknarflokksins.

Hilmar: Við kunnum ágætlega við Ísland, og erum sannfærð um að nýja Ísland eigi eftir að verða enn betra en það gamla :)

Jóhannes: Framsóknarmenn hafa verið ansi miður sín yfir mörgu á undanförnum árum, og grasrótin í flokknum ósátt við hvað forystan var komin langt frá hugsjónum Framsóknarmanna. En ekki um helgina og svo sannarlega ekki í dag. Vertu því glaður og hafðu meiri trú á Íslendingum, - því Íslendingar vita mjög vel hvað er ekta og hvað er blekking :)

[Rúna Júlíusdóttir (IP-tala skráð) 20.1.2009 kl. 10:53]

Sæl Eygló og takk fyrir síðast.

Til hamingju með sigurinn og nú liggur leiðin bara upp á við. Næstu kannanir verða spennandi.

Sjáumst fljótlega á Siglufirði.

Kv. Rúna