Þar vaxa peningar á trjánum...

Enn á ný hefur her embættismanna Menntamálaráðuneytisins undir stjórn menntamálaráðherra lagt fram ný frumvörp um leik-, grunn- og framhaldsskóla.  Nýjasta nýtt er að lengja á nám kennara í meistaranám eða úr 3-4 árum í 5 að jafnaði.  Þetta sér menntamálaráðherra fyrir sér að muni að sjálfsögðu hækka laun stéttanna. 

Háleitt og fallegt markmið. 

Enn á ný er vandamálið sú staðreynd að það er ekki ríkið sem greiðir laun kennara í leikskólum og grunnskólum, heldur sveitarfélögin.  Öllum ætti að vera ljóst að sveitarfélögin eru mörg ansi illa stödd fjárhagslega. En hvergi kom fram í máli ráðherrans að hún hafi eitthvað talað við félaga sinn í fjármálaráðuneytið um hvernig eigi að greiða fyrir þessar launahækkanir.

Væntanlega eiga þeir peningar bara að vaxa á trjánum, eins og er með alltof margar fallegar og háleitar tillögur ráðamanna sem snerta málefni sveitarfélaganna. 

 

Samræmd próf aflögð og kennaranám lengt

Athugasemdir

[Anna Benkovic Mikaelsdóttir, 28.11.2007 kl. 11:36]

Þetta er frábært frumvarp og mun brjóta blað í íslenskri menntasögu!

[Jóna Dóra (IP-tala skráð) 1.12.2007 kl. 19:30]

Hæ Eygló mín.

Mikið er ég sammála þér í þessum málum.  Þetta lagar ekki launavandamálin. Auðvitað snýst þetta um sveitarfélögin líka.  Skoðum bara ástandið eins og það er í dag á leikskólunum. Börnin mín fá nýjan starfsmann á "viku" fresti á deildina sína!!  Hvað er að gerast?  Viljum við bjóða börnunum okkar uppá þetta.  Það þarf að gera eitthvað strax og laga launin strax hjá leikskóla- og grunnskólakennurum. Ekki bara að koma með háleitar og fallegar tillögur.  Það lagar ekkert að lengja námið í 5ár!  Hvort myndirðu velja leikskólakennaranám eða lögfræðinám sem tæki hvort um sig 5ár!  Tja, hvort bíður betur ???  Nei, það þarf einhverjar aðrar lausnir.

Skoða síðuna þína reglulega.    Fannst tími til komin að skrifa eitthvað.

Í sambandi við fótaóeirðina: Siggi minn, nuddaðu á henni fæturna á hverju kvöldi, það virkar.

Eyjakveðja úr Kópavogi  Jóna Dóra

[Eygló Þóra Harðardóttir, 3.12.2007 kl. 14:08]

Hæ Jóna Dóra.

Gaman að heyra frá þér, líst mjög vel á þessa tillögu þína varðandi fótanuddið :) 

Heyrumst vonandi fljótlega,  Eygló