Grátbeiðni um aðstoð

"Aðsókn í lögfræðiaðstoð Orators, félags laganema í Háskóla Íslands, hefur aukist gríðarlega á umliðnum mánuðum, eða frá því í byrjun október.  Spurningar um fjármál heimilanna, fjárnám, gjaldþrot og gjaldþrotaskipti eru mjög algengar en það er breyting frá því sem áður var.  Aðsóknin er raunar svo mikil að hringt er í stjórnarmenn félagsins utan símatímans - á öllum tímum sólarhringsins - og þeir nánast grátbeðnir um aðstoð." 

Þessi frétt var á forsíðu Moggans í gær. Ekki löngu áður birtist frétt um að sýslumaðurinn á Selfossi hafði tekið sig til og gefið út handtökuskipun á hundruðir manna fyrir það eitt að skulda ekki nógu mikið... og CreditInfo Ísland spáir því að á fjórða þúsund fyrirtækja verði gjaldþrota á næstu 12 mánuðum.

Er að furða að fólki hafi gjörsamlega blöskrað sinnuleysi ríkisstjórnarflokkanna á fyrsta þingfundi eftir jólafrí?  Á dagskrá var vátryggingastarfsemi, greiðsla fyrir líffæragjöf og síðast en alls ekki síst smásala á áfengi.  Fjármálaráðherra lýsti því yfir að hann sæi enga ástæðu til að segja af sér, enda allt í lagi í hans ráðuneyti, dómsmálaráðherra impraði á að ríkisstjórnin hefði loksins loksins samþykkt að leggja fram frumvarp um greiðsluaðlögun eftir margra mánaða bið og viðskiptaráðherra virtist telja að helsta vandamál íslensku þjóðarinnar væru lánveitingar Íbúðarlánasjóðs.

Þvílík veruleikafirring. 

 

Athugasemdir

[Björgvin Víglundsson (IP-tala skráð) 21.1.2009 kl. 16:08]

Kostnaðurinn vegna þjáninga fólksins er að verða alltof mikill

Við verðum að finna leiðir út úr þessu , En fyrst burt með ríkistjórnina.

[Alexander (IP-tala skráð) 21.1.2009 kl. 17:39]

Var að heira af sjúkrafluttningamanni í reykjavík sem er að gefast upp á starfinu. Þrjár vaktir í röð þar sem farið var í útkall vegna sjálfsmorðs.