Ofbeldi gegn börnum

Tvær fréttir um alvarlegt ofbeldi gegn ungum börnum vakti athygli mína og óhug.  Annars vegar var um litla fjögurra ára gamla stúlku sem hafði verið lokuð inn í ísskáp af föður sínum þar til hún missti meðvitund og hins vegar morð á nýfæddu barni sem var stungið alls 135 sinnum af móður sinni.  

Ég hef aldrei skilið þetta, - hvernig getur nokkur farið svona með það dýrmætasta sem manni er gefið?  Annari bloggari spyr einnig við fréttina, af hverju það er verið að skrifa um jafn ógeðfellda hluti.  

Fyrir stuttu las ég viðtal við tvo sérfræðinga sem höfuð unnið með mönnum sem hafa beitt konur sínar ofbeldi.  Þar sagði annar þeirra að ástæðan fyrir því að mennirnir legðu hendur á þá sem þeir elska er að þeir hafa engar aðrar lausnir. 

Kunna ekkert annað, - kunna ekki að leysa málin. 

Vegna þess að eina leiðin til að stoppa ofbeldið er að fjalla um það.  Að tala um vandamálið, og leita leiða til að koma í veg fyrir að þetta gerist.  Án opinnar umræðu koma engar lausnir, og vítahringur ofbeldisins heldur áfram.    

Stakk nýfædda dóttur sína 135 sinnum með hnífi

Athugasemdir

[Margrét St Hafsteinsdóttir, 13.4.2007 kl. 16:15]

Það er ekki hægt að stoppa ofbeldi með því einu að fjalla endalaust um verknaðina sem slíka. Það þarf að fara í rót vandans. Hvað liggur að baki. Leita lausna fyrir þá sem verða ofbeldi að bráð í hvaða mynd sem það er, gerendur og þolendur. Mér leiðast þessar hryllingssögur og fréttir sem gera akkúrat ekkert annað en að næra einhverja óskiljanlega þrá fólks eftir hryllingssögum að því er virðist. Þessar frásagnir fylla fólk hugsunum um tilgangsleysi og draga úr þeim mátt.  

[Katrín Snæhólm Baldursdóttir, 14.4.2007 kl. 01:38]

Svo algerlega sammála síðasta ræðumanni. Og hvað hefa svona sögur haft að segja um að minnka líkur á svona verknuðum???

Eins er með sjálfsmorð. Reynt er að draga úr þeim umfjöllunum þar sem það hefur sýnt sig að slíkar umfjallanir virðast auka líkur á að fleiri taki líf sitt í kjölfarið????

Sé ekki tilganginn sem á örugglega að vera góður í að fjalla um þessi mál aftur og bak og áfram og draga athygli og tilfinningar fólks inn í óhugnað sem eykur einungis vondar tilfinningar. Og vekur upp það sem verið er að reyna að fara gegn. Hvernig væri að taka andofbeldi og hvað það er í raun inn í námsskrár og byrja frá grunni???