Bókaormur

Amazon.com er uppáhaldsvefur hjá mér.  Það er ekkert sem er skemmtilegra en að geta skoðað bækur um allt á milli himins og jarðar án þess að fara að heiman.  Vefurinn varð enn betri þegar, líkt og í venjulegum bókabúðum, ég gat farið að skoða inn í bækurnar.  En ekkert er fullkomið, ekki einu sinni Amazon.  

´Recommendations´ pirra mig óendanlega.  Ég hef verið í heimsókn og skoðað fullt af bókum um meðgöngu og af einhverri ástæðu, þegar ég kem næst er forsíðan full af bókum um meðgöngu og fæðingu.  Trúið mér! Móðir með nýfætt barn hefur engan áhuga á einu eða neinu sem varðar fæðingu og meðgöngu!  

En eftir að hafa setið á rúmstokknum hjá mér einn morguninn og skoðað bókahrúguna á náttborðinu, undir náttborðinu og rúminu þá held ég að þeir muni aldrei ná markmiði sínu um að gefa mér góð meðmæli.  Hér kemur listinn (ekki ritskoðaður, eins og ég gruna alltaf fólkið sem segist bara lesa Vonnegut eða Laxness):

• Prime Time e. Liza Marklund.  Ýkt góður sænskur rithöfundur, skrifar um blaðamanninn Annika Bengtzon
• The further observations of Lady Whistledown e. J. Quinn, S. Enoch, K. Hawkins og M. Ryan. Fjórar stuttar ástarsögu sagðar af Lady Whistledown.
• Bad Men e. John Connolly. Flottur thriller með yfirnáttúrulegu ívafi. 
• Catherine de Medici e. Leonie Frieda. Ævisaga frönsku drottningamóðurinnar og einnar alræmdustu konu mannkynssögunnar.
• Dansað við engil e. Åke Edwardson.  Glæpasaga sem gerist í London og Gautaborg, en ekki eins góð og Wallander.
• Darkly dreaming Dexter e. Jeff Lindsay.  Flottur Dexter.
• Italy e. Eyewitness Travel Guides.  Allt um Ítalíu.
• The Barbed Coil e. J.V. Jones.  Ein flottasta science fantasy bók sem ég hef lesið.  
• Dordogne e. Berlitz.  Um Dordogne hérað í Frakklandi.
• Wintersmith, Thud og the Amazing Maurice and his Educated Rodents e. Terry Pratchett.  Uppáhaldshöfundurinn.
• Islam – the Straight Path e. John L. Esposito.  Bók um Islamstrúnna.  Veit núna að Múhammeð var ekki bara trúarleiðtogi heldur pólitískur og hernaðarlegur snillingur sem sameinaði Saudi Arabíu.
  

Aumingja Amazon.

Athugasemdir

[Steini Briem (IP-tala skráð) 30.3.2007 kl. 18:25]

BÓKAORMURINN ætti nú ekki að vera í vandræðum með að grafa göng á milli lands og Eyja. Ég þarf að verða mér úti um þessa Ítalíubók, því ég var að kaupa vikuferð til Rómar MEÐ SYNI MÍNUM, bara svo allt bloggsamfélagið viti það. Fröken Marklund er jette kjul. Búinn að fara um nánast allt Frakkland mörgum sinnum en þó aldrei komið til Dordogne. Franskur vinur minn, arkitekt sem talar íslensku, býr þar skammt fyrir norðan. Frans mitt uppáhaldsland en mér finnst þó ítalskan hljómfegurri en franskan. Þekki margt fólk sem játar íslam, bæði karla og konur, og það er langt því frá öfgafyllra en íslenskir stóriðjusinnar.

ES. Ég verð allra karla elstur, samkvæmt nýjustu fréttum, enda varð afi kallinn 100ára og gerði allt sjálfur til dauðadags, eldaði og ryksaug. Karlrembusvínin ættu að taka sér hann til fyrirmyndar! 

[Eygló Þóra Harðardóttir, 30.3.2007 kl. 19:11]

Endilega náðu þér í þessa bók.  Að mörgu leyti skemmtilegri en guidarnir frá Lonely Planet, meira af kortum og myndum.  Róm er æðisleg og ég ætla svo sannarlega þangað aftur.

En ég ætla til uppáhaldslands þíns í sumar, - ekki langt frá Dordogne, kallað Perigord.  

[Einar Sigurjón Oddsson, 6.4.2007 kl. 05:37]

Recommendations: (hehe)
Capitalism and Freedom - Milton Friedman
Fountainhead - Ayn Rand
Atlas Shrugged - Ayn Rand
Footprints of God - Greg Iles

Allt saman frábærar bækur sem allir ættu að lesa.