Græn ríkisstjórn í bígerð?

Bráðfyndið. Alfreð Þorsteinsson fer með barnabarn sitt til dóttur sinnar í Seðlabankanum, rekst þar á Davíð Oddsson og sest niður með honum. Í framhaldinu spinnur Stöð 2 heila frétt úr þessari heimsókn undir fyrirsögninni "Alfreð byggir brýr."

Ég veit ekki hvort ég eigi að þora að viðurkenna að ég átti góðan fund með Ögmundi Jónassyni í heilbrigðisráðuneytinu á föstudaginn.

Kannski sjáum við næst fyrirsögnina: "Græn ríkisstjórn í bígerð?"

Athugasemdir

[Flosi Kristjánsson, 16.2.2009 kl. 14:01]

Það má ætla að Alfreð hefði ekki rætt við seðlabankastjóra á þessum stað hefði eitthvað verið í bígerð.

Þó gæti þetta verið mjög sniðugt "cover" að fara með afabarnið í heimsókn og: Nei! Davíð! Þú hér! Nú er ég hlessa! Kannski einum of augljóst

[Alma Jenny Guðmundsdóttir, 16.2.2009 kl. 15:11]

Í guðanna bænum kona, er þetta það sem þú hefur fram til málanna að leggja sem starfsmaður allra landsmanna á Alþingi?

Hvernig væri að þú héldir í stað dagbók um þau mál sem verið er að vinna að á þinginu - og segðir okkur frá hugmyndum þínum varðandi þau frumvörp sem verið er að ræða.

Skammastu þín og farðu að veita okkur upplýsingar sem skipta máli

[Jón Tynes (IP-tala skráð) 16.2.2009 kl. 17:48]

Ég er flokksbundinn Framsóknarmaður og bý í kjördæminu sem þú ert fulltrúi fyrir.

Í guðanna bænum notaðu krafta þína í eitthvað uppbyggilegt til framtíðar. Við erum búin með  tímabil  sandkassaleikja. Það eru næg verkefni framundan.

[Offari, 16.2.2009 kl. 20:52]

Mín vegna máttu benda á fáranleikann í fréttafluttningi fjölmiðlana.  En ég vona bara að næsta stjórn verði græn eins og ég.

[Eygló Þóra Harðardóttir, 17.2.2009 kl. 08:28]

Sæl Alma og Jón, - við megum nú ekki alveg missa húmórinn í þessu öllu saman :)

Einhverjum ætti nú að hafa dottið í hug að það væru kannski ósköp eðlilegar ástæður fyrir að fulltrúi í heilbrigðisnefnd hitti heilbrigðisráðherra.

Offari, - grænn er langflottasti liturinn ;)

bkv. Eygló