Snuð fyrir almenning?

Ríkisstjórnin boðar að óskað hefur verið eftir að lækka laun æðstu embættismanna og að þeir hefðu ákveðnar tillögur um breytingar á eftirlaunafrumvarpinu alræmda. 

Þetta er annar föstudagurinn í röð sem forystumenn ríkisstjórnarinnar blása til blaðamannafundar þar sem miklar fréttir eru boðaðar. Nú á að róa reiðan almenning og reyna að forða að fólk haldi áfram að fjölmenna á mótmælafundi.

Í gær var lagt fram þingsályktunartillaga þess efnis að íslenska þjóðin ætti að taka á sig 700 milljarða króna lán frá alþjóðasamfélaginu og gera má ráð fyrir að álíka upphæð vegna Icesave reikninganna.  Allt í allt, hugsanlega 1400 milljarðar króna.

Eða 4,6 milljónir kr. per mannsbarn í landinu.

Mikið hlýtur fólki að hlýna núna um hjartarætur og verma sig við tilhugsunina um að það fái allavega barnabætur greiddar út mánaðarlega, í bland við atvinnuleysisbæturnar. 

Óska eftir launalækkun

Athugasemdir

[Jón Steinar Ragnarsson, 21.11.2008 kl. 21:28]

Töfraorði, sem fór framhjá mörgum í þessu var "Tímabundið". Tímabundnar breytingar í ár eða svo. Einmitt svona snuð fyrir almenning svo hann þegi nú þennan laugardaginn. Það er engin ætlun að gera neitt.  Það hlýtur að sjóða upp úr hvað úr hverju.

[Heidi Strand, 22.11.2008 kl. 07:38]

Þetta er hluti af uppskerunni af því sem hefur verið sáð undanfarinn áratug.

[Stefán Friðrik Stefánsson, 22.11.2008 kl. 16:01]

Til hamingju með þingmennskuna, þó aðstæður hefðu getað verið betri þegar þú kemur inn á þing. En ég er viss um að þú átt eftir að standa þig vel. Gaman að sjá að þú ert farin að blogga aftur. :)

mbk. frá Akureyri