Gefum þorskinum séns, segir Binni

Þetta kalla ég að sýna kjark.  Framkvæmdastjóri Vinnslustöðvarinnar, Sigurgeir Brynjar Krisgeirsson eða Binni, sýnir enn á ný að það segir honum enginn fyrir verkum.  Á skip.is er vitnað í grein sem hann ritaði í nýjasta tölublaði Fiskifrétta:

,,Við verðum að draga úr sókn í þorskinn, með öðrum orðum að minnka heildarkvóta í þorski um nokkurra ára skeið.  Slíkt mun verða sjávarútveginum dýrt á meðan á því stendur, en stjórnmálamenn geta lagt sitt af mörkum til að draga úr sársaukanum á samdráttarskeiðinu og stutt jafnframt sjávarútveginn við uppbyggingu til lengri tíma litið.” 

Í greininni skorar hann á menn að skoða niðurstöður Hafrannsóknastofnunar um ástand þorskstofnsins.  Hér má finna slóð á vefsíðu Hafró með aflahorfur 2006/2007. 

Núverandi aflaregla hefur verið að aflamark næsta fiskveiðiárs reiknast sem 25% af meðaltali viðmiðunarstofns í upphafi úttektarárs og næsta árs á eftir.  Að auki mega breytingar á úthlutuðu aflamarki ekki sveiflast um meira en 30 þús. tonn á milli ára. 

Stofnunin mælir með að þessu verði breytt og aflareglan verði 18% eða lægri til að ná hrygningarstofninum í ásættanlega stærð. 

Þetta er eitthvað sem ég vil styðja við og tel raunar lífsnauðsynlegt ef við eigum að tryggja viðgang sjávarbyggðanna og sjávarútvegsins hér á landi um ókomna tíð. 

Athugasemdir

[Níels A. Ársælsson., 6.2.2007 kl. 00:41]

Sæl. Það eina sem dugar til að byggja upp þorskstofninn er að veiða meiri þorsk. Ef þú skoðar ástandsskýrslu Hafró þá er augljóst offriðun er að ganga frá stofninum dauðum. Það vantar æti í hafið vegna offriðunar á þorski og vegna gengdarlausra loðnuveiða í flottroll.

Það er fæðuskortur í hafinu sem veldur stöðugri hnignun þorskstofnsins og þetta vilja forkólfar Hafró ekki viðurkenna enda stjórn Hafró skipuð að meirihluta hagsmunaaðilum innan LÍÚ. Binni er enginn vitleysingur, það vita allir sem manninn þekkja, en hann er ekki að túlka sína skoðun frá innstu hjarta rótum heldur kemur hann fram með þetta vegna fyrirfram ákveðinnar leikfléttu sem Þorsteinn Már og félagar hafa spunnið. Málið er að þeir vilja halda áfram að drepa loðnu í skepnufóður með flottrollum enda er hagsmunum þeirra betur borgið með því móti. Þetta vita allir hugsandi menn. Með öðrum orðum og á mannamáli þá er þetta svona: Veiða loðnu í lýsi og mjöl með litlum tilkostnaði á mjög stuttum tíma = stór aukinn hagnaður vegna lítils tilkostnaðar og full nýting á fjárfestingum í rán dýrum skipum og búnaði. Draga enn frekar úr þorskveiðum = meiri eftirspurn eftir kvótum og snarhækkaðri leigu sem tryggir afborganir af lánum vegna kvótakaupa og það sem er aðal málið mjög líklega fer verð á varanlegum þorskkvóta upp um helming strax 1. september 2007, sem mundi auka eigið fé þessara fyrirtækja um 100%. Þetta er það sem þeir vilja. Ekki láta þessa fagurgala ljúga að þér. Ef þetta nær fram að ganga munu allir einirkjar sem eftir eru í greininni þurkast út á einni nóttu og kvóti tuga sjávarþorpa hverfa eins og dögg fyrir sólu. ÞETTA ER ALVARLEGT MÁL SEM ALDREI MÁ FRAM AÐ GANGA !

[Níels A. Ársælsson., 6.2.2007 kl. 00:55]

Flottrollsveiðar ógna öllu lífríki hafsins við Ísland:

Tilvitnun í viðtal í Fréttablaðinu 2006:

 

 

 

Jón Eyfjörð Eiríksson er skipstjóri á Sighvati Bjarnasyni VE-81 frá Vestmannaeyjum. Hann hefur ekki farið leynt með þá skoðun sína að flottroll séu varhugaverð veiðarfæri fyrir framtíð loðnustofnsins fyrir þær sakir að aðeins lítill hluti loðnunnar sem verður á vegi trollsins endar í pokanum en allt hitt vellur út um möskvana og því er óvíst hversu mikið af henni fer forgörðum. Eins segir hann óvíst hvort loðnan þjappi sér saman aftur og haldi stefnu sinni eftir að búið er að ryðjast gegnum göngurnar með flottrollum. Helgi kollegi hans deilir þessari skoðun með Jóni og einnig flestir skipverjar sem blaðamaður ræddi við um borð. Þetta er heit umræða í Eyjum og Sigurgeir Brynjar Kristgeirsson, framkvæmdastjóri Vinnslustöðvarinnar sem á Sighvat Bjarnason, segir að hann hljóti að hlusta á þessa gagnrýni sjómanna

[Níels A. Ársælsson., 6.2.2007 kl. 01:06]

http://www.eyjar.net/skrarsafn/1139420348.pdf

[Eygló Þóra Harðardóttir, 6.2.2007 kl. 10:18]

En hvað leggið þið þá til?  Á að veiða meiri þorsk eða eigum við kannski að draga úr veiði á þorskinum samhliða því að við drögum úr veiði á loðnu (fæðu þorsksins)?  Þannig ættum við skv. ykkur að ná enn meiri árangri á skemmri tíma eða hvað?

[Níels A. Ársælsson., 6.2.2007 kl. 16:25]

Sæl. Það þarf 7 kg, af loðnu til að búa til eitt kg, af þorski í náttúrunni. Fyrir hver 100 þúsund tonn af loðnu sem við skiljum eftir í hafinu fyrir þorskinn verða til 14 þúsund tonn af þorski. Með því að veiða bara loðnu með hringnót eftir að hún gengur upp á landgrunnið um miðjan febrúar og þá einungis til manneldis og hrognatöku  þá værum við kanski að taka svona 100 þúsund tonn að landi. Ef loðnustofninn mælist 800 þúsund tonn þá værum við að framleiða hátt í 100 þúsund tonnum meira að þorski í hafinu. En þetta er bara hluti af dæminu. Þegar loðnan hryggnir og deyr þá verður til gríðarleg næringarsúpa í hafinu sem nýtist öllu lífríki hafsins og öll náttúran tekur rosa kipp. Loðnan gegnir hlutverki stærsta tannhjólsins í gangverki klukkunar í lífríki hafsins við Íslands. Ef þetta tannhjól er tekið úr gangverkinu þá sérðu hvað gerist. Og þetta er búið að eiga sér stað í mörg ár. Ef þú lest viðtalið í "Vaktinni" við Jón Eyfjörð þá áttar þú þig líka á því hvað við erum að drepa af loðnu margfallt umfram það sem berst að landi oo fyrir utan það að snarruggla allt göngumlag loðnunar til sinna náttúrluegu hryggningarstöðva. Loðnan hefur ekki komist á sínar slóðir í 12 ár og sprautar úr sér hrognunum á víðavangi. Þetta verður að stöðva.

[thorirniels (IP-tala skráð) 6.2.2007 kl. 21:58]

Mikið lifandis ósköp er ég feginn að sjá, að loksins virðast einhverjir sem hafa áhyggjur af ástandi þorsksins, vera farnir að nefna það að kannski  sé ekki gáfulegt að veiða frá honum mikilvægustu fæðuna, þ.e. loðnuna.  Þetta er nokkuð sem þarf ekki nema meðalgáfur til að skilja, þó þeir þarna á Hafró skilji það ekki enn. Þar er alltaf vitnað til að hlýnun sjávar sé að breyta göngumynstri loðnunnar. Ætli sannleikur málsins sé ekki frekar sá að það er næstum búið að útrýma þessum stofni sem hafði þá náttúru að ganga hér með Íslandsströndum. Og ekki nóg með það að þorskurinn sé sveltur í hel heldur fylgja sjófuglarnir með.  Síðan vil ég taka undir hvert orð sem Níels A. Ársælsson segir hér að ofan.