Hrafn skiptir um formann

Hrafn Jökulsson, skákmaður og bloggari, hefur verið að velta fyrir sér stöðu Samfylkingarinnar í kjölfar (eins og hann orðar það) afleitrar útkomu Samfylkingarinnar.  Þar talar hann um að ef formanninum tekst ekki að breyta einhverju all snarlega þá sé kominn tími til að hefja leit að arftaka hennar.  

Greinilegt er að Hrafn hefur ekki mikla trú á Sollu og dreif sig því í að finna nýjan formann sem fyrst.  Skv. sannri Samfylkingarhefð taldi hann að besta leiðin til þess væri að gera skoðanakönnun, sem mér skilst að Lúðvík Geirsson hafi orðið efstur í.

Er þetta ekki einmitt vandamál Samfylkingarinnar í hnotskurn? 

Það er ekki einu sinni hægt að vera með sjálfstæða skoðun um hver maður telur vera besta formannsefnið, heldur þarf að gera könnun til að vita hvaða skoðun maður á að hafa. 

Athugasemdir

[Snorri Bergz, 8.1.2007 kl. 13:04]

"

"Er þetta ekki einmitt vandamál Samfylkingarinnar í hnotskurn? 

Það er ekki einu sinni hægt að vera með sjálfstæða skoðun um hver maður telur vera besta formannsefnið, heldur þarf að gera könnun til að vita hvaða skoðun maður á að hafa."

Mikið rétt. Þetta hef ég verið að reyna að segja hér á blogginu undanfarnar vikur. En hins vegar skilst mér, að Hrafn hafi gengið í Sjálfstæðisflokkinn.  Ég er síðan sammála "The K"; gæti ekki orðað þetta betur sjálfur.