Fyndið Fréttablað

Ég hef skemmt mér stórvel yfir baksíðunni á Fréttablaðinu á undanförnu.  Fyrir nokkrum dögum þá var skrifað um "stórhuga" Framsóknarmenn, þar sem ekki væri bara samkeppni um 1. sætið í Reykjavík, heldur 2. og 3. sætið líka.  Heilir sjö einstaklingar væru þarna að keppa um þrjú sæti...

Ég sá alveg fyrir mér umræðuna á ritstjórn Fréttablaðsins þar sem þeir veltu fyrir sér hvort Framsóknarmenn gerðu sér ekki lengur grein fyrir stöðu sinni?  Að þeir ættu nú bara að vera þakklátir fyrir einn borgarafulltrúa, en ekki að vera keppa að nokkrum í viðbót?

Svo jöfnuðu menn sig aðeins á ritstjórninni, og skelltu fram skýringunni á þessu í dag:  "Að öðru leyti var eftirspurnin lítil. Því sátu forsvarsmenn við símann og reyndu að sjarmera hina og þessa í framboð með misjöfnum árangri allt þar til listinn var lagður fram í gær."

Árangurinn = 21 mjög frambærilegir einstaklingar að keppa um 12 sæti.

Ég vona að blaðamenn á Fréttablaðinu haldi nú áfram að skemmta okkur með svona "Fréttum af fólki".

Athugasemdir

[Sigurjón, 19.11.2009 kl. 14:48]

Sæl Eygló.

Það er spurning hvort blaðamenn Fréttablaðsins eru færastir að fjalla um prófkjör Framsóknarflokksins, eða annarra flokka.  Trúverðugleiki þeirra hlýtur að vera að veði með umfjölluninni, sérstaklega ef þeir ætla að taka afstöðu.

Hins vegar er alveg rétt að baksíðan er oft stórfyndin og skemmtileg.  Fróðlegt verður síðan að fylgjast með umfjöllun Fréttablaðsins með prófkjöri annarra flokka þegar fram í sækir...

Kveðja, Sigurjón