Vigtun á sjávarafla

Lítið hefur farið fyrir þessari frétt frá sjávarútvegsráðuneytinu, sem undir eðlilegum kringumstæðum ætti að vera stórfrétt. Sjávarútvegsráðuneytið hyggst breyta reglugerð um vigtun á sjávarafla.  Ef reglugerðin verður samþykkt mun ekki lengur vera leyfilegt að flytja út óvigtaðan afla frá landinu.

Í drögunum segir:

1.gr. Reglugerð þessi gildir um vigtun og skráningu alls afla sem landað er hér á landi án tillits til þess hvar hann er veiddur.

2.gr. Öllum afla, sem íslensk skip veiða úr stofnum sem að hluta eða að öllu leyti halda sig í efnahagslögsögu Íslands, skal landað innan lands og hann veginn í innlendri höfn, enda hafi ráðherra ekki heimilað annað með reglugerð...

Ég tel að þetta sé skref í rétta átt hjá hæstvirtum ráðherra Jóni Bjarnasyni.  Vonandi mun þetta þýða aukin umsvif hjá innlendum fiskmörkuðum og fleiri störf í landi.

Athugasemdir

[Ingvi Rúnar Einarsson, 28.10.2009 kl. 20:28]

Sæl Eygló Þóra.

 Það þarf ekki að vera , að allur fiskur fari á markað,vegna breytinga á reglugerð.

 En vissulega getur það verið að sumar tegundir lendi frekar á markað hér,vegna flokkunar í gáma.

 Ég tel að ,Vestmanaeyingar,séu þessum breytingum sárreiðastir.

[Kristinn Pétursson, 29.10.2009 kl. 04:03]

Samtal tveggja manna:

• A: "Hvaða fisktegund er það eiginlega - þessi gámafiskur"
• B: "Ég veit það ekki, er það ekki þessi bollfiskur"
• A "Hvaða fisktegund er það"
• B " Ætli það sé ekki þessi sem notaður er í bollur"

Hugsanlega á reglugerðin bara við um þessar tvær fisktegundir  - bolfisk og gámafisk.

[Gísli Foster Hjartarson, 29.10.2009 kl. 12:04]

Eygló vona að þetta hafi þau áhrif sem að þú talar um - hef lengi verið þeirrar skoðunar að ef útl. vilja kaupa ísl. fisk þá geti þeir hæglega gert það á íslenskum fiskmarkaði og látið svo senda sér hann - já eða jafnvel látið verka hann fyrir sig hér heima.