Norðurál til bjargar Steingrími :)

Jöklabréfin er risavandamál sem íslensk stjórnvöld hafa ekki vitað hvernig ætti að takast á við. 

Í byrjun apríl talaði Steingrímur J. Sigfússon fjármálaráðherra um mikilvægi þess að tappa þrýstingnum sem jöklabréfin orsaka í kerfinu og koma því í jafnvægi á nýjan leik. Að hans mati voru þrjár leiðir færar.  Ein væri eignasala lífeyrissjóðanna, önnur að undirbúa að hleypa því fé út sem sem þurfi að fara og þriðja leiðin að innlendir aðilar bjóðist til að taka þetta fé að láni til einhvers tíma þannig að það bindist hér inni í hagkerfinu og taki þannig stöðu með krónunni og með hagkerfinu í staðinn fyrir að fara.

Fátt eitt fréttist af aðgerðum og ákvarðanatöku.

En sem betur fer var einhver með skilning á vandræðum fjármálaráðherrans og íslensku þjóðarinnar.  Norðurál hefur verið að vinna í fjármögnun álversins í Helguvík og segir Ágúst Hafberg, framkvæmdastjóri hjá Norðuráli, sagði í samtali við fréttastofu RÚV í dag að innlendur kostnaður vegna fyrstu tveggja áfanganna væri á bilinu 30-40 milljarðar króna. Kostnaður vegna framkvæmda á vegum Orkuveitunnar og Hitaveitu Suðurnesja eru um 60-70 milljarðar króna og er áhugi á að fjármagna þær á sama máta.

Í fréttinni segir:

"Norðurál væri tilbúið að freista þess að semja við eigendur jöklabréfanna um að þeir lánuðu krónur en Norðurál gæfi út skuldabréf í dollurum á móti. Afborganir af því myndu hefjast þegar tekjur af sölu álsins í dölum kæmu í kassann. Þetta gæti verið kostur fyrir þá sem komast ekki úr landi með fé sitt vegna gjaldeyrishafta. Samkvæmt heimildum fréttastofu hafa stjórnendur Norðuráls rætt þetta við Seðlabankann en samningaviðræður við eigendur jöklabréfanna eru ekki hafnar.

Þetta myndi auðvelda fjármögnun framkvæmdanna og létta þrýstingi af krónunni.  Rætt hefur verið um að Hitaveita Suðurnesja virki jarðhita á Reykjanesi og Orkuveita Reykjavíkur útvegi orku frá Hellisheiðar- og Hverahlíðarvirkjun vegna álversins.  Gert er ráð fyrir að þær framkvæmdir kosti á bilinu 60-70 milljarða sem yrðu fjármagnaðar á sama hátt. Því gæti heildarupphæðin verið um 100 milljarðar króna. Allt fer þetta þó eftir því hvort eigendur bréfanna vilja fjárfesta hér innanlands."

Það skyldi nú aldrei fara svo að virkjanir og álver í Helguvík komi nú fjármálaráðherranum til bjargar.

Og hann sem var á rauða takkanum í þinginu!

Athugasemdir

[Ægir Óskar Hallgrímsson, 21.4.2009 kl. 00:52]

Jöklabréfin eru stóra vandamálið í dag að mínu mati.

[Jóhannes Guðnason, 21.4.2009 kl. 01:06]

Þetta væri nú flott lausn,ef það gengur eftir,maður verður allavega að trúa því,en hvað með lífeyrissjóðina,??væri ekki kjörið fyrir þá að kaupa upp þessi Jöklabréf,?? með það að markmiði,að þeir væru að fjárfesta fram í tíman,??spurning að skoða þá leið líka,ef hin hugmyndin mundi ekki ganga,þetta er mjög góður pútur hjá þér Eygló Þóra,já skrambi gott. 

[Umhugsun (IP-tala skráð) 21.4.2009 kl. 10:50]

Sæl Eygló,

Þetta er snilldar áætlun sem þú reyfar hér. þetta myndi styrkja atvinnulífð og samfélagið hér á landi í leiðinni margfalt á við það sem annars yrði þó af þeim framkvæmdum sem framundan eru í Helguvík.

Ég og mitt fólk allt myndum kjósa þig ef þú værir ekki í Framsókn.

Gangi þér vel.

Kv,

Umhugsun.

[Sigurgeir Jónsson, 21.4.2009 kl. 11:00]

Þetta myndi auka þrýsting til lækkunar á gengi krónunnar.Í des 2010 rennur út undanþága frá ESB til Íslendinga um að okkur sé heimilt að hafa gengið með kork og kút.Eftir það verðum við að setja krónuna á flot samkvæmt EES samningnum og líka erum við á undanþágu frá IMF til sama tíma.Ef við verðum ekki komin með annan gjaldmiðil fyrir þann tíma fellur krónan eins og steinn þegar hún verður sett á flot.XB ekki ESB.