VG tefur Helguvík

Atvinnuleysi er mikið áhyggjuefni, ekki hvað síst á Suðurnesjum þar sem fjöldi atvinnulausra er nú 14% af íbúum eða um 1900 manns. Þar hafa menn lengi reynt að byggja upp fleiri stoðir undir atvinnulífið, s.s. með fjárfestingu í ferðaþjónustu, uppbyggingu Keilis og hugmyndum um heilsutengda ferðaþjónustu.  Jafnframt hafa menn horft til uppbyggingar stóriðju í Helguvík.

Norðurál hefur þegar hafið framkvæmdir, en telur lykilforsendu til að ljúka fjármögnun á verkefninu að gengið verði frá fjárfestingarsamningi við íslenska ríkið.  Samningsdrögin hafa verið tilbúin um hríð og  Össur Skarphéðinsson, iðnaðarráðherra, lagði svo loks fram stjórnarfrumvarp um heimild til samninga um álver í Helguvík.

Strax þá kom í ljós að ekki stóð öll ríkisstjórnin að þessu stjórnarfrumvarpi.  Kolbrún Halldórsdóttir, umhverfisráðherra, lýsti því yfir að hún væri algjörlega á móti málinu, enda ættu Suðurnesjamenn væntanlega að finna sér "eitthvað annað að gera".

Stóra spurning var hins vegar hvort hún væri ein í þessari afstöðu sinni eða hvort ágreiningurinn væri algjör á milli stjórnarflokkanna.  Í meðferðum þingsins er að koma í ljós að ágreiningurinn milli Samfylkingarinnar og VG er djúpstæður,- og að VG virðist ætla að gera allt til að tefja eða drepa málið.

Þjóðin hlýtur því að spyrja sig hvort þetta verði venjan ef ríkisstjórnarflokkarnir fá meirihluta eftir kosningar.  Að í hvert skipti sem atvinnuskapandi verkefni komi á dagskrá, muni VG tefja málið og drepa því á dreif, jafnvel þótt meirihluti sé fyrir því á þinginu.

 

 

 

Athugasemdir

[Loftur Altice Þorsteinsson, 31.3.2009 kl. 13:07]

Nú er komið að Framsókn að reka á eftir ríkisstjórninni. Þið skuluð gefa henni ákveðinn tíma til að afgreiða málið. Ef ekki er staðið við þau tímamörk, er ekkert annað að gera en reka stjórnina frá með vantrausti. Um það ætti Framsókn að hafa forustu og sýna þannig húsbóndavald sitt.

[Elías Jón Guðjónsson (IP-tala skráð) 31.3.2009 kl. 14:31]

-Hvaða forsendur hefur þú til þess að álykta sem svo Norðurál sé að ljúka fjármögnun á verkefninu?

-Hvaða forsendur hefur þú til þess að álykta að byggt verði álver í Helguvík á sama tíma og mikil kreppa er í áliðnaði?

Það er verið að draga úr álframleiðslu á hverjum degi, en samt hrannast birgðirnar upp. Það er búið að loka miklum fjölda álvera á undanförnu. Álverð hefur hrunið eins og steinn með skelfilegum afleiðingum fyrir orkufyrirtækin okkar. Bílaiðnaðurinn er nú á leiðinni inn í frekari kreppu sem mun gera álkreppuna enn verri. Stjórnarformaður Hydro hefur sagt að þessi kreppa eigi eftir að versna til muna. Og svo mæti lengir telja.

Raunin er sú að það býst enginn, sem til þekkir, við því að byggt verði nýtt álver á Vesturlöndum á næstu fimm árum. Það kom fram á fundi þar sem ársuppgjör Century Almuninum(sem á Norðurál) að forsvarsmenn fyrirtækisins búist við að auka framleiðslu aftur, eftir mikin samdrátt, fyrr en í fyrsta lagi eftir fjögur til fimm ár.

Hér eru nokkrir tenglar:

http://www.forbes.com/feeds/afx/2009/03/23/afx6199295.html

http://files.shareholder.com/downloads/CENX/526577006x0x275061/2837dfdd-4da9-49c2-8d85-ce2bfb9f834d/Q408Transcript.pdf

[Adda Þorbjörg Sigurjónsdóttir, 31.3.2009 kl. 15:03]

Elías, álverð er ekkert ólíkt því sem það var þegar ákveðið var að ráðast í álverið á Reyðarfirði. Allir vita að álverð fer aftur upp þegar kreppan gengur yfir. Framleiðsla er ekki að hefjast í ár.

[Loftur Altice Þorsteinsson, 31.3.2009 kl. 15:08]

Ég hygg Elías, að annað hvort hafir þú lítið vit á stóriðju eða látir "annarleg" sjónarmið ráða afstöðu þinni. Álver eru byggð til að starfa í áratugi og hagsveiflur eru eðlilegt starfsumhverfi þeirra. Ef einhverjir geta fengið fjármagn til framkvæmda, þá eru það álverksmiðjur á Íslandi.

Núverandi kreppa gengur yfir og að henni lokinni verður meiri þörf fyrir ál en nokkru sinni fyrr. Verksmiðjan við Helguvík verður tilbúin á réttum tíma fyrir þá uppsveiflu. Margir telja að lægsta punkti kreppunnar sé nú þegar náð í Bandaríkjunum.

[Elías Jón Guðjónsson (IP-tala skráð) 31.3.2009 kl. 15:12]

Það er rétt. En munurinn er þá var hækkun á heimsmarkaðaverði að byrja að hækka og síðan fór það í hæstu hæðir. Á sama tíma var framleiðslugeta aukin mjög mikið. Nú er áliðnaðurinn á leiðinni inn í djúpa lægt og verið að draga úr framleiðslu. Það er því gríðarlega mikil framleiðslugeta sem á eftir að verða ónýtt á næstu árum og því engar forsendur til þess að byggja nýtt álver.

[joi (IP-tala skráð) 31.3.2009 kl. 17:11]

Hvenær ætlar þetta blessaða fólk sem á að vera í stjórnmálum að hugsa út fyrir tilhöggna grjótinu úr skólavörðuholtinu niðri á Austurvelli. Hvort álver verði byggt eða ekki byggt í Helguvík hefur ekkert að segja um Skallagrím, Reykjanesbæ, Framsókn eða nokkru því tengdu.

Það eru markaðsaðstæður sem ráða því hvort álver séu byggð. Nú er verð á áli með allra lægsta móti. Því er spáð að slíkt verði enn um sinn.

http://www.lme.com/aluminium_graphs.asp

Álverð er svo lágt að það svarar ekki kostnaði að framleiða það. Það er ekki einu sinni í 1500 Dollurum sem er eins og að selja þorskinn slægðan á 100 kall. Þú skilur það er það ekki? Þú ert nú úr eyjum? Þar er tonn af þorski eins og tonn af áli hjá þeim sem eru í þeim bransa. Hætt við að Vinnslustöðin færi sér hægt í að sækja þorskinn ef verðið væri hundrað kall fyrir stóran og vænan línuþorsk veiddan í mars.

Eigið fé Century Aluminium sem á þessi álver sem um er rætt er sama og ekki neitt. Ef menn sneiða hjá öllu "goodwilli" og slíku crappi, taka bara það sem er til í sjoði hjá þessu fyrirtæki, þá er það sama og ekki neitt. Gengi bréfa í fyrirtækinu hefur fallið um 97%

http://topics.nytimes.com/top/news/business/companies/century-aluminum-company/index.html 

þetta er svipað og ef Kári Klári í Vatnsmýrinni kæmi fram í fyrramálið með einhver rosaplön að byggja risa De-code verksmiðju uppi í árbæ. Sem myndi veita fleiri hundruð manns vinnu. Það myndu allir hlæja af þessu nema dumbkopfarnir niðri á Austurvelli.

Það er bókstaflega allt í móti þessu fyrirtæki Century Aluminum. Ekki bara virði bréfanna, sem leiða til þess að enginn vill fjármagna nýtt álver. Í besta falli myndu bankarnir sem eiga allt undir að þetta fyrirtæki fari ekki á hausinn leyfa lokun á einhverjum álverum. Það eru allar tölur hjá þeim rauðar. Þeir stefna lóðbeint á hausinn.

Markaður fyrir ál þessa dagana er svo gott sem enginn. Opel, Volvo, Saab og sjálfur GM eru að fara á hausinn. Airbus og Boeing hefur verið sagt að hægja á framleiðslu eins og þeir geta, það er enginn markaður fyrir flugvélar. Þetta eru allt stórir framleiðendur og nota mikið ál. Ef enginn vill kaupa ál, þá er óþarfi að byggja nýjar verksmiðjur til að framleiða það nema menn sjái að eitthvað sé að lagast. Margir telja að það séu enn nokkur ár í það.

Eins og þetta sé ekki nóg, þá hafa stórir framleiðendur eins og BMW endanlega gefist upp á áli. Allir sem vita hvað þeir tala um, vita að ál og stál fer illa saman. Stál tærir ál. Þess vegna hefur BMW ákveðið að henda ekki meiri pening í að þróa einhverjar lausnir að leysa þetta vandamál að hafa bæði stál og ál í bílunum sínum og hafa bara bílana sína úr stáli. Þeir verða þyngri og eyða meira bensíni, en hverjum er ekki sama. Bensínið kostar sama og ekki neytt. Lítil eftirspurn þar líka. Þeir vilja það frekar en að álið tærist allt í spað og þeir fái á sig kröfur upp á hundruði milljarða fyrir ónýta hönnun.

Til að bæta svo gráu ofan á svart, þá er orkuverð til álvera tengt heimsmarkaðsverði á áli. Nú er eigið fé OR komið niður í 10%. Það var rúm 40% í upphafi árs 2008, en komið niður í 10%, og líklega hafa þeir þá skrúfað allar eignir í botn. Þeir þola ekki allt of mikið tap blessaðir. Þökk sé kumpánum á borð við flokksbróður þinn Björn Inga og svoleiðis náunga sem settu bara kíki yfir blinda augað og sigldu svo öllu gylleríinu í strand. Orkuveitan og Landsvirkjun tapa og tapa. Það virðist enginn botn þar á bæ. Þetta endar með að við verðum með dýrari orku en í Danmörku, það styttist í það.

Alfreð Þorsteins þyrfti að komast þarna inn. Maðurinn sem hækkaði orkuverð til borgarbúa um árið af því það hafði verið svo hlýtt það sumarið, fólk notaði of lítið af heitu vatni!!!!!! kallinn hækkaði þá bara vatnið til að ná í sömu tekjur og árið áður þegar það hafði verið svalara í veðri!!!! Já þetta er satt. Hann toppar næstum því flokksbróður þinn Pál frá Höllustöðum sem setti sig upp á móti Litasjónvarpi!!!!!!!! hvílíkir snillingar þessir kallar. 

Núna ætti þetta lið sem er í stjórnmálum að hætta að snakka þetta eins og einhverjir jólasveinar, hætta að tala um hverjir fá niðurfellingu á lúxus jeppunum sínum, hverjir fá 1% vexti á lánunum sínum og hverjir fá 6% vexti á lánunum sínum, og fara að drífa í að finna leiðir til að framleiða meira. Búa til meira af peningum í staðin fyrir að rífast alla daga hvað eigi að gera við þessar fáu krónur sem til skiptanna eru.

Suðurnesjamenn hafa vissulega tapað miklu. Það er reyndar allt í boði Framsóknarflokksins og Halldórs Ásgrímssonar. Þegar kvótakerfið var sett á, var einhver ósýnileg lína sett upp, þannig að Þegar skip voru seld af suðurnesjum og segjum til t.d. Hornafjarðar, þá jókst kvóti skipanna. Þetta skekkti að sjálfsögðu rekstargrundvöll útgerðarfyrirtækja á suðurnesjum, eyðilagði hann eiginlega alveg. Menn gátu borgað meira fyrir kvótann annars staðar en á suðurnesjum, af því þeir fengu meira af honum. Nú eru suðurnesjamenn að súpa af þessu seyðið.

14% atvinnuleysi er hrikaleg staðreynd. Sveitarstjórnarmenn á suðurnesjum hafa reynt hvað þeir hafa getað, en lítið hefur komið frá t.d. Félagsmálaráðherrum s.s. Valgerði Sverrisdóttur, sem neitaði alfarið að Álver yrði staðsett í Helguvík, heldur á Bakka. Þar réðu ekki fagleg sjónarmið, heldur púra pólitík í sinni verstu mynd. Valgerður er um það bil að reynast okkur sá ráðherra sem hefur kostað íslensku þjóðina mesta peninga sem henni var treyst fyrir. Með dyggri aðstoð flokksdindla á borð við Ólaf S. og Finn Ingólfs hefur henni tekist á undraskömmum tíma að gera Íslendinga svo gott sem gjaldþrota. Hún á ekki sökina ein, en hennar hlutur er ansi stór.

Nú verður fljótlega kosið. Það verður fróðlegt að sjá niðurstöður kosninganna. Framsókn hefur ekki náð sér á strik. Kannski vegna þess að þeir hafa sagt að þeir hafi ekki áhuga á að vinna með Sjálfstæðisflokki, og að samstarf þeirra með VG og SF hafi lukkast mjög illa og það sé ekki á vetur setjandi. Hvað er þá eftir? Framboð með Ástþóri Magg?

[Rauða Ljónið, 31.3.2009 kl. 17:42]

Manni finnst sorglegt þegar sjálfskipaðir sérfræðingar, Elías Jón Guðjónsson og Joi tjá sig um hluti sem þeir  hvorki hafa skinbrag á vit né reynslu á heldur búa þeir til einhvern frasa til að blekkja og afleiða fólk um áliðnaði í heiminum.

Á síðustu 35 árum hefur álverð NÍU SINNUM farið niður fyrir það sem nú er, það er kreppa í heiminum ekki bara í áliðnaði eða álvörum samdrátturinn er alstaðar fólk verður að skilja það.

Sé litið til áliðnaðar á Íslandi þá er hann í góðum málum hann annar ekki eftirspurn og hjá Alcan nær ekki að framleiða það magn sem pantað er , álverð á LMC er grunneining á verði á grunneiningu ekki framleiðslu einingu álverð frá Íslandi er mun miklu hærra en hrá-álsverð sem hér er uppgefið og notað.                            Að bera saman gambra og eðalvín að segja að það sé sama nær engri átt.

Hér taka þeir einstaka tilvitnanir og notað þær í þeim eina tilgangi til að afleiða fólk og blekkja.

Gott væri að fá að vita hvað  þeir vildu verðleggja gambra og eðalvín eflaust sama verð.

[Kristján Sigurður Kristjánsson, 31.3.2009 kl. 18:30]

Eygló mín og aðrir þingmenn Framsóknarflokksins ég skulda ykkur afsökun vegna Greiðsluaðlögunarlagana. Ég hef verið að fárast útaf þessu við mína flokksmenn. Ég í fávisku minni vissi ekki að það væru aðeins 100 manns sem ættu í skuldavandræðum á Íslandi. Mér hefði verið nær að lesa greinagerð frumvarpsins áður en ég fór að rífa mig.

[joi (IP-tala skráð) 31.3.2009 kl. 20:51]

Af hverju er þá tap landsvirkjunar og OR svona rosalegt ef á Íslandi er framleitt svona mikið gæðaál? af hverju gengur þá svona illa fyrir Century að fjármagna hjá sér nýja álverið? Raforkuverð er háð álverði. Tekjur af raforkusölu hjá orkufyrirtækjum hafa lækkað, það er væntanlega vegna þess að álverð hefur verið að lækka er það ekki?

Auðvitað eru málmar ekki allir þeir hinir sömu, ekki frekar en að segja að allur fiskur sé eins, eða öll málning eða eitthvað annað. Það var enginn að halda því fram. Menn geta hins vegar farið inn á þessa markaði og séð verðin brotin niður eftir því hvar er keypt og annað. NIðurstaðan er samt alltaf sú hin sama. Verðið er í lágmarki. Það er ekkert hægt að tala það upp eins og staðan er í dag.

Held það sé líka hálfgerð illusion að ætla fólki að trúa því að álverið á Reyðarfirði hafi ekki undan að selja álið sem það framleiðir. Það er bara einhver dáleiðsla sem er búið að beita starfsmenn þess ágæta fyrirtækis, og ekki nokkur maður utan reyðarfjarðar trúir.

Vonandi fer þetta þó að lagast. Það er hins vegar fráleitt að halda að það verði VG, Framsókn, SF eða einhverjir inni á alþingi sem hafi áhrif á þetta. Það þýðir ekkert að bera svoleiðis vitleysu á borð fyrir fólk.

[Rauða Ljónið, 31.3.2009 kl. 21:53]

En heldur frasinn áfram og joi ætlar að segja mér hvernig vinnu minni er háttað bæði varðandi markað álverð nú og áður og verð á raforku og afkomu.

Eygló best er fyrir þig að leiða svona rugludalla hjá þér og taka þá marka á okkur sem vinna og koma að sölu og þekkja markaðinn ásamt verði á raforku á heimsvísu.

[Andrés Kristjánsson, 1.4.2009 kl. 14:13]

Það er álíka mikið að marka Rauða Ljónið og og greiningadeildir bankana skömmu fyrir hrun.

Állobbýið reynir eflaust að láta hlutina líta mjög vel þrátt fyrir að óveðurský hrannist upp. Það nýjasta er að heimsmarkaðsverð á áli hafi ekkert með þennan búskap hér á landi er bara brandari. Orkuverð miðaðast við þetta verð og þeim mun lægra sem það er þeim mun minna fáum við í okkar hlut.

Landsvirkjun tapaði 40 milljörðum árið 2008 þrátt fyrir að meðalverð hafi verið um 2500$/pt.

Fyrstu 3 mánuði ársins hefur verð verið að jafnaði undir 1450$. Þeir sem dásömuðu Kárahnjúkavirkjun sjá nú hversu illa af henni var staðið en hún átti að standa undir sér miðað við 1627$/pt. Ef LV heldur áfram að tapa viðlíka upphæðum næstu 4 árin þá er tapið eitt og sér sá sami og kostnaðurinn af kárahnjúkavirkjun.

Síðan kemur vísan um órúlegan rekstur álfyrirtækjanna hér á Íslandi.

Staða Century Aluminium móðurfélags norðuráls er tekinn hér fyrir í pistli á AMX eftir Ágúst Þórhalsson:

http://www.amx.is/pistlar/5125/

[Rauða Ljónið, 1.4.2009 kl. 17:02]

Í dag er fyrsti apríl Andrés