Annarleg hugsun X-D

Ég var hugsi yfir Frá degi til dags pistlinum í Fréttablaðinu í morgun.  Þar segir:

"Bannað að mótmæla?...

Fréttavefurinn AMX fjallar um orð og æði rithöfundanna Þráins Bertelssonar og Hallgríms Helgasonar, sem umsjónarmanni vefsins þykir hafa farið offari undanfarna daga. AMX segir að Hallgrímur hafi ráðist á bíl Geirs H. Haarde og "barið hann allan afmyndaður af reiði"; Þráinn hafi hins vegar vegið ósmekklega að veikindum formanna stjórnarflokka á bloggi sínu. AMX þykir þessi framkoma sérstaklega alvarleg í ljósi þess að Hallgrímur Helgason hefur þegið ritlaun frá hinu opinbera og Þráinn nýtur heiðurslauna frá Alþingi.

...á launum hjá ríkinu

Nú er sjálfsagt að gagnrýna menn ef einhverjum þykir þeir fara yfir strikið. Hitt er þó verra að AMX virðist líta á það sem svo að með því að þiggja ritlaun eða heiðurslaun frá hinu opinbera afsali menn sér réttinum til að mótmæla stjórnvaldinu eða gagnrýna það. Það er reglulega annarleg hugsun."

Ég gæti ekki verði meira sammála pistlahöfundi Fréttablaðsins.  Er þetta hugsun Sjálfstæðismanna almennt þegar þeir eru að tilnefna fólk á heiðurslaunalista, eða hjálpa góðum og gegnum Sjálfstæðismönnum á borð við Þorstein Davíðsson og Jón Steinar Gunnlaugsson við atvinnuleit þeirra? 

Að þeir þar með afsali sér öllum rétti til sjálfstæðar hugsunar? Eða er það kannski bara inngönguskilyrði almennt í Sjálfstæðisflokkinn?

 

Athugasemdir

[Magnús Jónsson (IP-tala skráð) 27.1.2009 kl. 09:22]

Það væri hægt að nefna ótal önnur dæmi en við skulum halda því til haga að Hannes Hólmsteinn Gissurarson er fastráðinn ríkisstarfsmaður í Háskóla Íslands.

Þar situr hann pólitískt ráðinn þrátt fyrir að hafa verið dæmdur af hæstarétti fyrir ritstuld og þannig eyðilagt orðspor helstu menntastofnana Íslands.  Hannes sem var klappstýra útrásarinnar og hvatti gráðugu bankagreifana okkar til að "gefa í" frekar en hitt.

 Ríkistarfmenn mega greinilega bara hafa skoðanir ef þeir eru í réttum flokki og hafa "réttar" skoðanir. Endalaus hræsni Sjálfstæðismanna virðast engin takmörk sett.

[Sigurgeir Jónsson, 27.1.2009 kl. 12:58]

Það eru alltaf spurning hvaða listamenn eigi að vera á launum hjá ríkinu.Og af hverju rithöfundar eigi til að mynda að vera á launum hjá ríkinu.Rithöfundur framleiðir vöru, ef hún er góð selst varan og rithöfundurinn situr við sama borð og aðrir sem teljast listamenn, þótt erfitt sé að skilgreina það hugtak.En það er ljóst að alvöru listamenn eins og Jóhannes Kjarval,eða Halldór Laxness hefðu aldrei legið á bíl forsætiráðherra þjóðarinnar, sama í hvaða flokki hann hefði verið og lamið í hann.Framkoma Hallgríms er óverjandi og það er til skammar að þessi maður skuli vera á einhverjum klíkulaunum hjá ríkinu, þótt hann hafi skrifað bækur sem að mínum dómi komast ekki í háfkvisti við bækur til að mynda Vilhjálms Hjálmarsonar sem að mínu áliti eru snilldarverk. 

[Ómar Ragnarsson, 27.1.2009 kl. 14:34]

Ég skil ekki að það þurfi að deila um snilligáfu Hallgríms Helgasonar á ritvellinum. Árangur hans talar sínu máli. Það verður að aðgreina persónulegar skoðanir manna frá stöðu þeirra, nema staðan sé þess eðlis, til dæmis í dómskerfinu eða í fjölmiðlun, að trúnaður verðu að ríkja.

[Ragnar Gunnlaugsson, 27.1.2009 kl. 15:00]

Það er ekki hægt að bera virðingu fyrir svona mönnum. Hef lesið bók (reyndar ekki alla) eftir Þráinn var mest pólitísk þvæla að mér fannst.

[Páll A. Þorgeirsson (IP-tala skráð) 27.1.2009 kl. 16:06]

Það er dálítið áberandi "titringur" á sumum bloggsíðum eftir að ríkisstjórnin" féll. Getur verið að sá "titringurinn" tengist "Sjálfstæðismönnum" meira en öðrum, því að nú er "valdið" í höndum ÓRG ? Það er eins og ÓRG hafi "óskapleg áhrif" á suma, bara með því að opna muninn. Mér finnst það tengjast meira "sjálfstæðismönnum" en öðrum og flest af því sem "blessaður karlanginn" segir, er víst "brot á hefðinni". "Á tímum sem nú" er áberandi hversu margir "þekkja lög og hefðir" þess embættis er "þjóðin" kaus ÓRG til að gegna..... og benda "sí og æ" á að "blessaður karlinn" geri lítið annað en að "brjóta hefðir". Það er líka "mjög áberandi" að eftir að "Flokkarnir og Foringjarnir" hafa fengið "völdin aftur", þá þagna þessar raddir að mestu, þrátt fyrir það að "Foringjarnir" taki stundum uppá því að "brjóta lög landsins". Nei, af tvennu slæmu er nú skárra að "brjóta hefðir" en "lög" ...og oft er líka gott að "brjóta upp hefðir", því þær fylgja nú lítt "núinu". Þegar ég hugsa um þessi "smávægilegu atvik" sem "umsjónarmaður AMX" virðist hafa fjallað um á þeim nótum er koma fram í þinni grein, þá efast ég ekki um að hann hefur fjallað um "stóru málin" sem sköpuðu þessi "smávægilegu" atvik. Ef ekki, þá kemur upp í huga mér saga af manni "sem ekki sá bjálkann í sínu auga, aðeins flísina í auga hins". Það er "ekkert skrítið" að við mótmæli í "lýðræðisríki" missi mestu rólyndismenn stjórn á skapi sínu og ég tala nú ekki um þegar verið er að mótmæla "þjóðargjaldþroti", sem "Foringjar Flokka", áttu með "skussa-og sofandahætti í starfi", sinn þátt í að "framkalla". Það er óskaplega fallegt orðið "Lýðræðisríki", en það er stundum eins og "lýðræðið" á Íslandi sé bara "verkfæri Foringja og Flokksmanna", þeir séu yfir það hafnir og þeirra að ákveða hverjum þóknast sá "heiður" að nýta möguleika þess. Nú er svo komið á Íslandi að "hinn eini sanni foringi", fer brátt að falla af stalli. Þessi "blessaður Foringi" átti greinilega sinn þátt í því að ríkisstjórnin féll. Margir "götustrákar" hafa komið landi okkar í þá stöðu sem við upplifum í dag. Spurningin í mínum huga er því þessi;  Getur verið að "hinn eini sanni foringi" sé "mesti götustrákurinn", þrátt fyrir að vera nú "búsettur" í Seðlabanka Íslands .........og að best sé fyrir "alla góða Sjálfstæðismenn", sem ég efast ekki um að eru margir, að losa sig við "hann" ? .... og þar með að ná áttum og losa sig úr þeirri "heiftarlegu afneitum" sem þeir virðast vera í ? En að lokum, góð grein hjá þér sem vakti upp margar hugsanir í mínu höfði...........og svona til að "minna þig á"; Sem þingmaður ert þú "þjónn okkar" en ekki "herra"  ;-)  ......en því miður hefur margur foringinn gleymt því og sennilega er nú "ástand þjóðfélagsins" í takt við það. bestu kveðjur  ;-)

[Haraldur Baldursson, 27.1.2009 kl. 16:12]

TIl hamingju Framsókn.
Nú er efnahagsmálum borgið. Flugfreyjan svarar öllum kröfum um faglega leiðsögn. Það er ekki vafi að nám hennar er Hagfræðinni mikið æðra. Svarar þetta ekki kröfum um fagfólk í forystu. Fróðlegt verður að vita hver viðbrögð fjölmiðla annars vegar og mólmælenda hins vegar verða....sennilega enginn. Sannar það eitthvað ? Ég bara spyr.

Framsókn lætur það vitanlega ekki trufla sig frekar en venjulega.

[Guðmundur Ásgeirsson, 27.1.2009 kl. 16:19]

Haraldur, hún Jóhanna er þó með verzlunarpróf, sem er fjórum árum meiri viðskiptatengd menntun en Seðlabankastjórinn hefur! ;)

[Haraldur Baldursson, 27.1.2009 kl. 16:50]

Já ok kjánaskapur er þetta hjá mér. Þá er auðvitað öllum kröfum um faglega forsjá efnahagsmála svarað

[hilmar jónsson, 27.1.2009 kl. 22:27]

Ómar sagði það sem segja þarf í þessu sambandi.

[Kjartan Pétur Sigurðsson, 28.1.2009 kl. 06:29]

Það eru margir sem þiggja "ofur"-laun frá kerfinu með hjálp flokkakerfisins. Nú síðast er forkólfur FME að labba út með 20 millur og þarf ekki að skila "neinu" vinnuframlagi í heilt ár. Þessa greiðslu fær hann fyrir frábæran árangur í starfi. Fyrir sömu upphæð er hægt að vera með 10 góða rithöfunda á fínum launum í jafnlangan tíma og þá fyrir að skrifa góðan texta (um ráðamenn) og berja bíla ráðamanna á utan svona þó ekki væri nema til að halda þeim við efnið í þeirri þægilegu "eftirlauna"-vinnu sem þeir eru í.

En annars tíðkast að greiða "ofur"-laun á Íslandi til þeirra sem þurfa að sinna brýnum erindum fyrir flokkinn sinn.