Nota svín smokka?

Nei, samkvæmt nýrri auglýsingu frá Trojan smokkaframleiðandanum.  Ný auglýsing þeirra sýnir fjölda svína á bar talandi í gsm-síma og algjörlega hunsaða af kvenfólkinu.  Allavega þangað til eitt þeirra hefur vit á að vagga fram á karlaklósett og kaupa Trojan smokk.  Þá breytist svínið í flottan karlmann sem vekur töluvert meiri áhuga hjá kvenfólkinu frammi.

Textinn sem rúllar í lok auglýsingarinnar hljómar: "Evolve. Use a condom every time."

Fréttin á New York Times var ekki beint um smokkaauglýsinguna hjá Trojan, þótt hún þætti ansi skemmtileg og sniðug.  Nei, fréttin er um tvískinnung CBS og Fox sjónvarpsstöðvanna, sem neituðu að birta auglýsinguna.  Uppgefin ástæða er að það er í lagi að nota smokka til að koma í veg fyrir sjúkdóma, en það er ekki í lagi að nota smokka til að koma í veg fyrir getnað.

Eða eins og talsmaður Fox orðaði það:  “Contraceptive advertising must stress health-related uses rather than the prevention of pregnancy.”

Þannig að við eigum víst að gera ráð fyrir að Grissom í CSI (CBS) og uppáhaldslæknirinn minn hann House (FOX) séu svín?

Enda bara svín sem nota ekki smokka

Athugasemdir

[Sigurbjörg Sigurðardóttir, 19.6.2007 kl. 00:43]

nei  en þetta kemur ekkert á óvart, svona er samfélagið stundum grætur maður,og hlær eða hefur uppköst fyrir öllu ruslinu sem manginið getur gert,stundum langar mig að sofa langan svefn til að forðast allt.Allt í lagi að lesa er fen höfunara eins og  Patricia Cornvell.Csi,en sumt er um of.