Björn og starfsmannamál

Enn á ný eru lög og reglur að flækjast fyrir dómsmálaráðherra í mannaráðningum.  Nú síðast er það auglýsingin eftir aðstoðarríkislögreglustjóra sem "týndist" í vefútgáfu Lögbirtingarblaðsins.  Í frétt á visir.is er haft eftir Sigurði Líndal, fyrrverandi lagaprófessor, að hún hafi ekki verið í samræmi við lög.

Í fréttinni segir:  "Auglýst var eftir „starfsmanni með embættispróf í lögfræði, reynslu af störfum innan réttar- og refsivörslukerfisins og þekkingu á starfsmannamálum lögreglunnar".

Í lögreglulögum kemur fram að allir þeir sem hafi „lokið námi frá Lögregluskóla ríkisins svo og stjórnunarnámi eða öðru sambærilegu námi" geti gegnt stöðu aðstoðarríkislögreglustjóra.

Sigurður Líndal, fyrrverandi lagaprófessor, segir auglýsinguna ekki hafa uppfyllt skilyrði samkvæmt lögum. „Í auglýsingunni hefði átt að taka fram öll skilyrðin sem fram koma í lögunum. Hafi það ekki verið gert, eins og útlit er fyrir, er auglýsingin ekki í samræmi við lög."

Björn telur væntanlega að þessi lög eigi líka heima á Þjóðminjasafninu, þrátt fyrir að Alþingi hafi nýlega samþykkt þessa breytingu. 

 

 

Athugasemdir

[0, 9.5.2007 kl. 17:39]

Það væri gaman að vita hvað Björn segir um málið á http://sognbuinn.blog.is

en það hefur einmitt verið kært til Dómsmálaráðuneytis og hefur svars verið beðið þaðan síðan í febrúar.

Endilega kynntu þér málið.

Kveðja:

Guðmundur Þórarinsson.