Magnað Kastljós

Sunnudagsviðtalið var einstaklega sterkt í kvöld og Eva María sannar enn á ný að hún er einn langbesti sjónvarpsmaður sem við eigum. Það var nokkrum sinnum sem manni vöknaði um auga á meðan viðtalinu við "Baugalínu" stóð.  Ég var ótrúlega stolt af kjark og styrk þessarar konu að koma fram og tala svona opinskátt um þessi mál.  Mér fannst líka koma svo sterkt fram hvernig kynferðisafbrot brjóta ekki bara niður einstaklinginn sem verður fyrir þeim, heldur fjölskylduna og þá sem standa nálægt. 

En um leið að það er hægt að leita sér hjálpar, það er hægt að ná að byggja sig upp aftur.

Það er von, - með því að þegja EKKI! 

 

Athugasemdir

[Svava frá Strandbergi , 25.3.2007 kl. 21:44]

Mér vöknaði líka um augu. Ég dáist að þessarri konu fyrir kjarkinn.

[Steini Briem (IP-tala skráð) 25.3.2007 kl. 22:12]

Góð færsla hjá þér, Eygló. En það verður líka að vera boðið upp á meðferð kynferðisafbrotamanna og annarra ofbeldismanna, jafnvel skikka þá í meðferð, svo þeir brjóti ekki af sér aftur, vonandi. Og samband foreldra og barna verður ætíð að vera mjög náið, þannig að foreldrarnir verði strax varir við óeðlilega hegðun hjá börnunum, og trúi þeim ef eitthvað kemur upp á.  

[Anna Benkovic Mikaelsdóttir, 26.3.2007 kl. 17:16]

já það var sárt að sjá hana biðja um mömmu aftur!...ég vona að henni verði að ósk sinni!

[Ragnar Bjarnason, 26.3.2007 kl. 19:55]

Þetta er þyngra en tárum taki en mikinn styrk hefur konan.

[Steini Briem (IP-tala skráð) 26.3.2007 kl. 23:56]

HELDUR KLÉN þóttu mér viðbrögð hins fyrrverandi löggumanns sem vísaði stelpunum í burtu þegar þær ætluðu að kæra athæfið. Og ekki datt honum í hug að biðjast beinnar afsökunar á sjónvarpsskjánum. Hversu margar stelpur hafa farið í ræsið eftir svona meðferð hjá löggunni og jafnvel framið sjálfsvíg? Og var þetta eina slíka tilfellið hjá þessum mikla spekingi? En honum þótti þetta leitt, kallinum, og þetta var jú tíðarandinn. Ókei... 

[Steini Briem (IP-tala skráð) 27.3.2007 kl. 00:40]

JÚ, kallinn sagðist aðspurður geta beðið hana afsökunar í bláendann á viðtalinu. Nú, þá er þetta bara allt í keyinu...