Hryllilegt!

Það sló um mig óhugnaður að heyra af árásinni á Hótel Sögu um helgina.  Þrátt fyrir að maður viti að flestar nauðganir eru svokallaðar kunningjanauðgangir (sérstaklega þær sem eru ekki kærðar) eru alltaf hryllilega óhugnalegt að heyra af einmitt svona nauðgunum.

Að ráðist sé á einstakling á salerni, þar sem hver og einn getur gengið inn.   Opinberum stað!  En stuttu eftir að ég las þessa frétt rakst ég á aðra sambærilega frá hinu heimalandi mínu, Svíþjóð.  Þar var ráðist á konu á salerni á Odenplan í Stokkhólmi.  Henni nauðgað og hún rænd.  

Kannski er þetta ekki eins sjaldgæft og maður hélt?

En líkt og ýmsir aðrir bloggarar hafa bent á þá finnst mér athyglisvert að sjá að enn á ný er tekið sérstaklega fram að viðkomandi hafi verið erlendur.  Miðað við lýsinguna á manninum þá held ég að flestir hafi getað ætlað að hann væri ekki af íslenskum uppruna.  

Var það ekki nóg? 

Vísbendingar í kjölfar auglýsinga leiddu til handtöku meints nauðgara

Athugasemdir

[Stefán (IP-tala skráð) 20.3.2007 kl. 09:56]

Pólverjum þykir greinilega gott að athafna sig á klóstettum. Við íslendingar höfum nú orðið varir við það. Innflytjendum fylgja alltaf einhverjir nýir siðir. Fyllum landið af þeim og tökum þeim fagnandi. Þeir eiga bara eftir að aðlagast ef þeir vilja það.

Stefán

[Steini Briem (IP-tala skráð) 20.3.2007 kl. 22:34]

Lögreglan segir að útlendingar fremji ekki fleiri afbrot hérlendis hlutfallslega en íslenskir ríkisborgarar. Hún kannaði þetta sérstaklega vegna fullyrðinga um slíkt. Langt frá því allar nauðganir eru kærðar, hvorki hérlendis né erlendis. Langflestar nauðganir eru framdar af karli sem konan þekkir, á heimili hans eða hennar, og vopnin sem hann notar eru að hann þekkir hana, notar ofurefli og ógnar henni, mannorði hennar og þeim sem henni eru kærir.

Frá stofnun árið 1990 til ársloka 2002 leitupu 3505 einstaklingar aðstoðar hjá Stígamótum. 5141 ofbeldismenn beittu þessa einstaklinga kynferðisofbeldi. Innan við 20% af sifjaspellsmálunum vara í minna en eitt ár, meira en 55% þeirra vara í 1-5 ár og yfir 20% í 6 ár eða lengur.

Nýlega var birt í fjölmiðlum könnun á viðhorfi Dana til nauðgana og í ljós kom að fjórði hver Dani telur að konur sem ekki klæði sig tilhlýðilega bjóði upp á að þeim sé nauðgað.