Gylfa er slétt sama!

Gylfi Magnússon, viðskiptaráðherra virðist ætla áfram að krossleggja puttana og vona að Hæstiréttur reddi nú málunum fyrir hann.

Enginn vilji virðist vera til að taka á þessu stóra vandamáli á heildstæðan máta. 

Talsmaður neytenda lagði fram tillögur á sínum tíma um að skipaður yrði gerðadómur til að leita ásættanlegrar niðurstöðu fyrir bæði lánveitendur og lántakendur. 

Það getur verið að einhverjum finnist áhugavert að hlusta á svör viðskiptaráðherra við nokkrum spurningum sem ég bar upp við ráðherrann eftir að Guðmundur Andri Skúlason, talsmaður samtaka lánþega hafði ítrekað reynt að fá svör frá ráðherranum en án árangurs.

En heldur voru þau rýr, líkt og nú þegar ráðherrann bendir á að lánin séu svo margvísleg.  Þýðir það að hann ætlar áfram að benda fólki á að leita réttar síns fyrir dómstólum? 

Á sama tíma og ráðherrar varpa frá sér allri ábyrgð og segja beinlínis að hver og einn þurfi nú að stefna bönkum og eignaleigufyrirtækjum ætli þeir sér að fá leiðréttingu sinna mála, hafa stjórnvöld unnið markvisst að því að draga úr möguleikum almennings á að gera einmitt það. Stjórnvöld hafa hækkað kostnað við málsóknir og ekkert gert til að auka möguleika fólks á gjafsókn.

Enn á ný kemur í ljós að skjaldborg ríkisstjórnarinnar er vissulega til staðar. En hún er byggð utan um banka og fjármálastofnanir, útrásarvíkinga og fjárglæframenn, en almenningur er utangarðs og verður að berjast upp á eigin spýtur.

 

Hæstiréttur þarf að skera úr

Athugasemdir

[Eggert Guðmundsson, 13.2.2010 kl. 17:19]

Sæl Eygló.

Ég sá að héraðsdómur var að dæma erlend lán með tengingu í krónu ólögleg vegna laga frá 2001.  Einnig las ég á textavarpinu að þú viljir beita þér fyrir að breyta þessum lánum í verðtryggð lán.  Hvers vegna spyr ég þig? 

Ég vil miklu frekar að þessum lánum verði breytt í óverðtryggð lán, eins og þau voru þegar lántakendur fengu þau.  Ef breyta á þessum lánum þá eiga þau að verða óverðtryggð með sömu vöxtum og þau voru tekin. Forsendur lánanna voru þannig.

Lántakendur geta ekki tekið alla ábyrgð á gjörðum bankanna og peningamálastjórn landsins.

Ég vil að þú beitir þér fyrir því að lánin verði færð í Íslenskar krónur og beri sömu vexti.  ÞAu verða einnig óverðtryggð.

Afskrifir á eignasafni bankanna kemur lántakendum ekkert við.

[Hrafn Arnarson (IP-tala skráð) 13.2.2010 kl. 18:08]

Það er ljóst að Hæstiréttur getur ekki reddað neinum málum. Héraðsdómur hefur dæmt 2 andstæða dóma í 2 eins eða svipuðum málum. Seinni dómurinn er mikill sigur fyrir alla þá sem ekið hafa lán á þessum kjörum. Ef ég skil málið rétt er ólöglegt að verðtryggja lán nema með neysluvísitölu. Málinu verður áfrýjað þannig að Hæstiréttur mun kveða upp sinn endanlega dóm. Þá er tími þingmanna kominn. Ef hæstiréttur dæmir gengistryggð  lán ólögleg sem við skulum vona opnast margir möguleikar. Einn þeirra er verðtrygging lána. En hver segir að hann sé bestur fyrir lántakendur?

[Toni (IP-tala skráð) 13.2.2010 kl. 18:12]

Kæra Eygló, ekki reyna að fá í gegn að gengistryggingu verði breytt í verðtryggingu. Það er komið nóg af vísitölu og vaxtaokrinu á almenning í landinu. Taktu stöðu með borgurum landsins, ekki bönkunum. Heimilin þarf að verja, fjármálafyrirtækin meiga fara á hausinn. Ekki reyna að bjarga fjármálafyrirtækjunum, það gerir þú aðeins á kostnað almennings.

[Guðmundur Andri Skúlason (IP-tala skráð) 13.2.2010 kl. 18:27]

Það er áhugavert að skoða þetta út frá þeim forsendum að við, lánþegar, túlkum þessa samninga í samræmi við nýgengin dóm og þá verða fjármálafyrirtækin að fara í mál við okkur ef þau ekki sætta sig við okkar túlkun.

Ég hef gert þetta í talsverðan tíma vegna lána minna hjá bæði Lýsingu og Frjálsa fjárfestingabankanum og veit til þess að nokkur fjöldi lánþega hefur fylgt okkur í þeim aðgerðum.

Niðurstaðan er sú, að fjármálafyrirtækin þora ekki í mál gegn okkur. Enda teljum við málstað okkar traustan og munum vinna áfram að því að styðja lánþega í réttmætum aðgerðum gegn yfirgangi fjármálafyrirtækjanna.

[þþ (IP-tala skráð) 13.2.2010 kl. 18:34]

Strax komin í gang. Var Finnur Fé að hringja? þþ

[Friðrik Már , 13.2.2010 kl. 22:20]

Var ÞÞ að blogga,

hver er þessi aumingi sem bloggar svona, eru þetta dylgjur eða hvað.

Hvers vegna blogga margir stuðningsmenn þessarar volæðisríkistjórnar  nafnlaust það skyldi þó ekki vera að menn séu byrjaðir að skammast sín.

Haltu áfram Eygló, þið stöllur Vígdís og þú eruð að standa ykkur asskoti vel

[Stefán Lárus Pálsson, 13.2.2010 kl. 22:22]

Gott hjá þér Eygló, að taka þetta strax fyrir í fjárlaganefnd. Fólk bíður eftir málalokum,  kannski er komið að sjálftöku stofnunum að standa frammi fyrir afleiðingum gerða sinna, og gjalda fyrir það sem gert hefur verið. Kominn tími til. Treysti þér til að standa með okkur smáfuglunum sem þessar stofnanir hafa plokkað fiðrið af, með öllum ráðum, hingað til, og láta þá ekki komast upp með að gera þetta enn verra. Stattu með okkur, og dragðu hvergi undan. Þá áttu stuðning okkar vísann!

[Billi bilaði, 14.2.2010 kl. 09:27]

Þú hefur greinilega fengið bréfið frá Gunnari (eins og sjá má á fyrra bloggi), en fyrst núna bregstu við? A.m.k. kannast Gunnar ekki við nein viðbrögð við bréfi sínu.

Hvers vegna þessi bið?

Af hverju brást ENGINN þingmaður við þegar hann sendi bréfið?

Lögin eru þokkalega skýr, og í raun algerlega skýr þegar meðfylgjandi skýringar með lögunum eru lesnar!

[þþ (IP-tala skráð) 14.2.2010 kl. 22:25]

FMB, Framsókn skuldar þjóðinni afsökun fyrir sinni hegðan m.a. við sölu bankanna. Framsóknarmenn verða að taka til í sínum flokki. Fyrr er ekki hægt að tala við þá. þþ