Skammsýni stjórnvalda?

Eitt af því sem stundum  heyrist frá stjórnarliðum er að vandi Íslands sé tímabundinn: "Við þurfum aðeins að skera niður í ríkisútgjöldum og hækka skatta í 2-3 ár og eftir það verður allt gott aftur." segja þeir og virðast trúa því að 2007 komi fljótt aftur...

Því er engin framtíðarsýn og engin stefnumörkun um hvernig við ætlum að byggja upp atvinnulífið og þá sérstaklega útflutningsgreinarnar, hvernig við ætlum að aðlaga okkur að breyttum aðstæðum,- hinu nýja skuldsetta Íslandi.

Því er ekki undarlegt að ákvarðanir yfirmanna ríkisstofnana og -fyrirtækja endurspegli þetta.

Hjálmtýr Heiðadal, formaður félags kvikmyndagerðarmanna, skrifar mjög athyglisverða grein um stöðu og framtíð íslenskrar kvikmyndagerðar í framhaldi af niðurskurði á Kvikmyndasjóði og ákvörðun RÚV um að hætta að kaupa innlendar kvikmyndir og draga stórlega úr kaupum á innlendum þáttum og heimildamyndum.

Þar segir hann:

"Það mun líða nokkur tími áður en Íslenskir áhorfendur munu sjá afleiðingar þess að kvikmyndagerð á Íslandi er leidd á höggstokkinn árið 2010. Ferlið verður með þeim hætti að þær myndir sem eru í framleiðslu klárast en nánast ómögulegt verður að hefjast handa við ný kvikmyndaverk. Kvikmyndasjóður hefur, eftir niðurskurðinn, 450 milljónir til úthlutunar. En eftir að RÚV hættir að kaupa verk þá getur nánast enginn kvikmyndaframleiðandi fjármagnað verk án uppáskriftar frá RÚV og því munu peningar kvikmyndasjóðs ekki nýtast til framleiðslu kvikmyndaverka.

Eftir 2 -3 ár verður framboð á íslenskum kvikmyndaverkum fátæklegt...

Fyrir hverja krónu sem ríkið hefur fjárfest í kvikmyndagerð hafa 3 - 4 krónur ratað í ríkiskassann og kvikmyndagerð dregur að töluverðan erlendan gjaldeyri. Vegna aðgerðanna gegn kvikmyndaiðnaðinum mun fjöldi kvikmyndagerðarfólks bætast á atvinnuleysiskrá, ríkið verður af skatttekjum og þarf að einnig greiða atvinnuleysisbætur...

Þjóðir sem verða fyrir áföllum verða að grípa til allra tiltækra ráða til að endurreisa samfélagið. Gildir það jafnt um áföll af völdum náttúrunnar eða aðgerða mannanna líkt og Hrunið sem Íslendingar þekkja nú af eigin raun. Endurreisn íslenska samfélagsins er og verður erfið og ekki án átaka. Það mun svíða undan ýmsum aðgerðum sem verður að ráðast í og það munu heyrast raddir sem andmæla mörgu sem er byrjað á og ýmsu sem er framundan.

En þegar ráðamenn grípa til slíkra heimskuráða og hér sýna sig þá dregur úr trú almennings á framsýni þeirra og þekkingu."

Svo mörg voru þau orð.

 

Athugasemdir

[Gissur Jóhannesson (IP-tala skráð) 25.1.2010 kl. 11:40]

Einu sinni fyrir mörgum árum var ég á fundi meðb Erlendi á Skíðbakka í Austur Landeyjum þar sem sunnlenskir bændur fundu leiðir á félagslegum grunni eins og   svo oft þeir hafa gert  hverning helst væri að draga úr of mikilli mjólkurframleiðlu þar sem mjólkin seldist ekki öll. Þar komu ýmsar leiðir til greina. Á þessum fundi sem ég var á sagði Erlendur að þeir Landeyjingar hefðu orðið sammála um það að minnst vont væri að fara þá leið sem fundurinn svo ákvað að fara

Mér fynnst að þið stjórnmálamennirnir í því ófremdar ástandi sem efnahagsmál þjóðarinnar eru í þá þurfið þið að taka á þeim málum eins og Sunnlenskir bændur gerðu,og fara þá leið sem Erlendur á Skíðbakka sagði að þeir Landeyjingar hefðu talið vera minnst vonda.(af öllum vondum)                                                    Kv.Gissur Jóhannesson.

[Þór Gunnlaugsson (IP-tala skráð) 25.1.2010 kl. 17:39]

Sæl Eygló Þóra

Já ef hann hefði lokað rás 1 hefði hann sparað 300 milljónir en 150 með rás 2. Launakostnaður er stærsti liðurinn þarna inni og það sem í raun er að að hann hefur gert vel við sitt fólk og greitt laun langt umfram texta SFR sem aðrar stofnanir verða að fara eftir og einhvertíman kemur að því að steytir á skeri og þá eru menn húðskammaður fyrir lélega frammistöðu.

Þetta hjá RUV er bara sýnishorn því aðrar ríkisstofnanir verða að gera það sama á næstu vikum og mánuðum og þá þýðir lítið fyrir ráðherrana að hlaupa upp með slökkvitæki úr því að hugmyndirnir komu ekki úr ráðuneytunum eins og hefði átt að gera í svo miklum niðurskurði og enn meira á næsta ári. 6-7000 störfum mun fækka hjá hinu opinbera það er nokkuð ljóst.

Annað mál. Það þykir tíðindum sæta þegar sitjandi hæstaréttardómari tjáir sig í blöðum hvað best sé að gera í deilumálum og vísa Ícesafe fyrir dómstóla og eflaust ekki létt verk fyrir hann og gera sig vanhæfan um leið til að fjalla um það hér heima.  

 Stjórnarandstaðan verður að standa í lappirnar hafna öllum nýjum sáttaleiðum og leyfa Steingrími J að labba út með Jóhönnu því þau bæði fullyrtu að þetta væri það besta fyrir okkar þjóð að keyra okkur á kaf án björgunarvonar.    Svona fólki er ekki treystandi enda eru það stólarnir sem bliva.

gangi ykkur vel.

[Einar Björn Bjarnason, 7.2.2010 kl. 00:19]

2 - 3 ár.

LOL, já - stjórnarliðar láta, eins og þetta sé normal kreppa.

En, staðreyndin er sú, að þetta er miklu mun verra en normal kreppa.

Ekkert fyrirsjáanlegt annað, en áframhaldandi hringrás niður á við.

Þ.e. eins lengi, og stefnan að borga allt upp í topp blívur.

En, ef við reynum það, þá stefnum við í þá átt, að verða Haiti norðursins, fremur en Kúpa.

Kv.