Framtíðin með AGS

Ég rakst á áhugaverðan pistil eftir Andra Geir Arnbjarnarson um hvers má vænta á næstunni varðandi ríkisfjármálin og AGS.

Hann segir: "AGS krefst þess að ríkisfjármálin verði í jafnvægi 2012? AGS mun fjármagna 10% halla á þessu ári eftir að ríkið hefur sjálft brúað önnur 3% (45 ma kr) í formi skattahækkana og niðurskurðar. Hvernig á að ná hallanum niður í núll á 2 árum? Er það raunverulegt? Engar haldbærar og trúverðugar upplýsingar fást á Íslandi um þessi mál hvorki frá stjórnvöldum eða flokkunum. Lítum þá erlendis til að sjá hvað nágrannaþjóðir okkar eru að gera sem hafa lent illa út úr þessari kreppu en samt ekki eins illa og Íslendingar."

Þar sem engin svör berast frá núverandi stjórnarflokkum, skoðar hann hvað er að gerast í nágrannalöndum okkar. Lettland og Írland eru tvö ESB lönd sem eiga í miklum fjárhagserfiðleikum, líkt og Ísland. Lettland er í meðferð hjá AGS en Írland er enn að berjast upp á eigin spýtur. Annað landið er með evru, hitt ekki.

Hallinn á ríkisfjármálunum í Lettlandi má vera 5% í ár.  Til að ná þessu er gripið til klassískra verkfæra hjá AGS með því að lækka laun opinberra starfsmanna, skera niður þjónustu og hækka skatta. Kennarar í Lettlandi fjölmenntu nýlega til að mótmæla 10% launalækkun, en aðrir hópar opinberra starfsmanna hafa orðið fyrir allt að 20% launalækkun.  AGS hefur einnig lagt til að landið felli gengið, en það hefur í mörg ár verið tengt við evruna.  Ríkisstjórnin hefur ekki verið tilbúin að skoða það.

Ég veit ekki hvort okkur á að líða betur við þá staðreynd að staða Íslands er víst talin vera töluvert verri en Lettlands.

Írland á núna í miklum örðugleikum eftir að hafa verið kallað efnahagsundur ESB.  Þeir eru að skera niður hjá sér upp á 1,5 ma evra og ætla að hækka skatta upp á 1,8 ma í ár.  Hallinn er um 10,75%. Niðurskurðurinn jafngildir 520.000 kr. á hverja 4 manna fjölskyldu og skattahækkanir um 290.000 kr. 

Tekjuskattur var aukinn á alla, 2% hjá þeim lægst launuðu og 9% hjá hátekjufólki. Tryggingargjaldið var einnig stóraukið, sem og skattar á sígaréttur og bensín. Fjármagnstekjuskattur hækkaður en ekki skattar á fyrirtæki þar sem þeir vilja ekki missa fyrirtæki úr landi og auka atvinnuleysi.

Andri lýkur grein sinni á eftirfarandi orðum: "Þessar aðgerðir nágranna okkar í ríkisfjármálum eru unnar faglega og í tíma. Þær gefa tóninn fyrir Ísland.  Hins vegar verður niðurskurðurinn og skattahækkanir enn blóðugri hér ekki aðeins vegna hins mikla halla og skulda ríkisins heldur líka vegna hins fáránlega skilyrðis AGS að hallinn verði þurrkaður út 2012. 

Þar eru við einir á báti."

Skuldaleiðrétting er eina leiðin til þess að heimilin og fyrirtækin verði fær um að takast á við þessa erfiðleika, og það er ekki einu sinni til umræðu hjá núverandi stjórnarflokkum. 

Bara frestun á vandanum...

Athugasemdir

[Ívar Pálsson, 10.4.2009 kl. 21:37]

Hárrétt hjá þér. Þetta ætti að endurtaka svo að allir nái því:

„Skuldaleiðrétting er eina leiðin til þess að heimilin og fyrirtækin verði fær um að takast á við þessa erfiðleika, og það er ekki einu sinni til umræðu hjá núverandi stjórnarflokkum. “

[Björgvin Víglundsson (IP-tala skráð) 10.4.2009 kl. 23:44]

Hvað verður atvinnuleysi þegar búið verður að skera allt kerfið niður ?

25%? .  Má  búast við landflótta verkföllum óeirðum osfr.

Viljum við þvílíkt þjóðfélag?

[Ívar Pálsson, 11.4.2009 kl. 08:44]

Björgvin, atvinnuleysið um langa tíð kemur af sjálfu sér ef reynt er að greiða skuldirnar. Vextir upp á mörg hundruð milljónir á dag, án þess að greiða nokkurn tíma höfuðstólinn, verður hlutskipti okkar ef ekki er gripið til hörkunnar. Sala auðlindanna nær ekki einu sinni að klára málið. Hví ættum við að greiða skuldir einkageirans? Út af einu eða tveimur sendibréfum Björgvins fv. viðskiptaráðherra?

Eðlilega verða læti. Það gefur enginn upp þúsunda milljarða skuldir án baráttu. En það er þess virði að losna við áþján um aldur og ævi. Þetta er ekkert draumórahjal með pottum og pönnum. Svona vinnast sigrarnir.

[Árni Björn Guðjónsson (IP-tala skráð) 13.4.2009 kl. 21:55]

Eygló????

Eg skal sehja þer það að það verður ekkert virkjað við Þjórsá.

Þessar fyrirhuguðu virkjanir eru hryðjuverk gegn byggðum landsins.

Það verður ekkert af þvi i það mynnsta meðan eg lifi.